Նպատակ բովանդակություն
Այս ուսումնական ծրագրի հիմնական նպատակը սովորողների մոտ գույնի ճիշտ համադրության, ֆորմայի զգացողության և ստեղծագործական մտածելակերպի զարգացումն է: Ուսումնական հանդիպումները ունեն անհատական բնույթ և ուղղված են անհատական կարողությունների և նախագծերի զարգացմանը: Այս ոլորտում հիմնարար կարողությունների ձեռք բերումը հնարավորություն կտա հետագա մասնագիտական ընտրության կողմնորոշման գործում:
Ուսումնական պարապմունքների կազմակերպման մեթոդական նկարագրություն
Ուսումնական հանդիպումները տեղի են ունենում արվեստանոցում, որը նախատեսված է և՛ խեցեգործական գործունեության համար, և դիզայներական-նկարչական աշխատանքների համար: Ուսումնական պարապմունքերը՝ ելնելով նախագծի բովանդակությունից իրականացվում են նաև դրսում՝ արվեստանոցի հարակից տարածքում:
Ուսումնական միջավայրի պահանջներ
Ուսումնական կաբինետում՝ արվեստանոցում, պետք է առկա լինի համապատասխան քանակությամբ կավ և կավագործության գործիքներ: Նկարիչները պետք է իրենց հետ բերեն թուղթ և այլ նկարչական պարագաներ: Դիզայնի բաժնում սովորողները, բացի վերոնշյալը պետք է հաճախեն դասերին իրենց անհատական նոութբուք-նեթբուքերով:
Ուսումնական պարապմունքների կազմակերպման մեթոդական նկարագրություն
Աշխատանքային գործունեության փուլերը՝
1.Անհատական թեմաների ընտրություն և քննարկում
2.Մասնագիտական գործունեություն
3.Ստեղծած աշխատանքների անհատական քննարկում
Դասապրոցեսների արդյունքները կհրապարակվեն ցուցահանդեսների կամ անհատական շնորհանդեսների տեսքով: